எண் ஒன்று (சூரியன்)
Written by குருஸ்ரீ பகோரா1.எண் ஒன்று (சூரியன்)
பிறவிஎண்-1
ஆகஸ்ட் 15 முதல் செப்டம்பர் 14 வரை எந்த தேதிக்குள்ளும், எந்த வருடம் எந்த மாதம் 1, 10, 19, 28 ஆகிய தேதியில் பிறந்திருந்தாலும் பிறவி எண்-1
எண்ணின் அதிபதி-
சூரியபகவான்
அதிர்ஷ்ட நாட்கள்-
1, 10, 19, 28
அதிர்ஷ்ட கிழமைகள்-
ஞாயிறு, திங்கள் வெற்றி தரும். இந்த நாட்களில் ஒன்று எண் தேதிகள் வந்தால் மிகுந்த நன்மை தரும்.
ஒற்றுமையான எண்கள் –
ஒன்று எண்ணுள்ளவர்களுக்கு 2, 4, 7 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையானதேதிகள்–
2, 4, 7 வரக்கூடிய 2,4,7,11,13,16,20,22,25,29,31 நாட்கள் சிறப்பானவை.
சிறப்பு பலன்-
30 வயதிற்குமேல் வாழ்வில் அந்தஸ்து அடைந்து புகழ் அடைவார்கள்
கூட்டு சேரஎண்-
நட்பு- 2,3,4,7,9 பகை- 6,8 சமம்- 5 நட்பு எண்ணை பயன்படுத்தாத நிலையில் சம எண்களை பயன்படுத்தவும்.
பொது பலன்-
இந்த எண் தலைசிறந்த ஆண்மைச் சக்தி வாய்ந்தது. தனித்தன்மையுள்ள செயல்களையும் தலை சிறந்த சாதனைகளையும் புத்தம் புதிய நிகழ்ச்சிகளையும் புதுமை அனுபவங்களையும் குறிப்பதாகும். இவர்கள் சூரியனைப் போல் சுயமாகப் பிரபலமடையக் கூடியவர்கள். நல்ல பண்புடையவர்கள். சுதந்திரத்தை விரும்புவார்கள். ஆனால் மற்றவர் தனக்கு அடங்கி நடக்க வேண்டும் என்ற எண்ணமுடையவர்கள். சுதந்திரத் தொழிலில் விரைவில் முன்னுக்கு வருவர், எளிதில் கற்றுக்கொள்ளும் ஆற்றலோடு புதிது புதிதாக எதையேனும் செய்ய வேண்டும் என்ற ஆர்வத்தையும் உடையவர்கள். இவர்கள் முன்னேற்றத்திற்கு கற்பனையும் கலையும் கலந்த தொழில்களே சிறந்தவை. நாற்பது வயதிற்குமேல் நிலையான தொழில் அமையும். எல்லோருடன் பழகினாலும் சிலரையே நட்பாக கொள்வர். அவர்களுக்கு நன்மை புரிவார்கள். எப்போதும் பிறர் சொத்துக்களுக்கு ஆசைப் படமாட்டார்கள். இவர்கள் கையில் பணம் சேர்வது கடினம். அதிர்ச்சியான, துரதிர்ஷ்டவசமான சம்பவங்களுக்குப்பின் பணத்தைப்பற்றி சிந்தனை தோன்றி சேமிப்பர். மனம் தூய்மையானது. வஞ்சனை, பொய், சூது, வாது வராது. தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
இரத்த ஓட்டம் சம்பந்தமான நோய்கள் 40 வயதிற்குமேல் பீடிக்கப்படலாம். பெரும்பாலும் இதய, பித்த சம்பந்தப்பட்ட நோய்களே வரும். சிறுவயதுமுதல் கண் பார்வை கெட்டு பெரும்பான்மையோர் கண்ணாடி அணிந்தவராக இருப்பர்.
உடை-
இவர்களுக்கு மங்களத்தையும் திரு அருளையும் குறிக்கும் மஞ்சள் நிறமே மிகுந்த அதிர்ஷ்டமானது. பொன்னிற ஆடைகள் பொலிவையும், வெற்றியையும் தரும். பொதுவாக தூய வெண்மை நிற ஆடை அணிவர்.
பெயர் எண் ஒன்று- பலன்கள்
பெயர் எண் ஒன்று வரும் இவர் எந்தக் காரியத்தையும் திட்டமிட்டுச் செய்வார். பிறர் யோசனையின்றி தன் சுய அறிவைக் கொண்டே சாதிக்கும் திறன் உள்ளவர். பலருக்கு வழிகாட்டியாகத் திகழ்வார். புதிய சிந்தனை புதிய திட்டமிடும் தலைவராக இருப்பாரேயன்றி தொண்டராக இருக்கமாட்டார். விஞ்ஞான கணித ஆராய்ச்சியில் சிறந்து விளங்கி அதன் நுணுக்கங்களை மற்றவர்களுக்குப் போதிப்பார். தன்னுடைய திட்டங்களுக்கு பிறர் உதவி செய்யும் வகையில் இவர் பழக்கம் இருக்கும். தான் ஆரம்பித்த தொழில் மற்றும் திட்டங்களை மற்றவர் ஆரம்பித்து முடிக்குமுன் வெற்றிகரமாக முடிப்பர். இவரின் குறிக்கோள் பொது நலமாகவே இருக்கும். மற்றவர்கள் மீது பழி சுமத்தமாட்டார்கள். குற்றம் செய்தவரை அன்புடன் கண்டித்து நல்வழிப்படுத்துவார். எந்நிலையிலும் சத்தியத்தையும் நியாயத்தையும் கடைபிடிப்பார். இவர்களது வாழ்க்கை ஆனந்தமாக இருக்கும். மற்றவர்களிடம் நன்மதிப்பும் மரியாதையும் பெறுவார். கஷ்ட நஷ்ட காலங்களில் நண்பர்கள் உதவி கிட்டும். நல்ல சற்குணமுள்ள மனைவி அமைவாள். நண்பர்களின் பெயரை எழுதி அதன் கூட்டுத்தொகை ஒன்று வந்தால் அவரே உற்ற நண்பராவார்
மிகஅதிர்ஷ்ட நாட்கள்-.
மேலே 1, 10, 19, 28 உள்ள தேதிகள் மிக அதிர்ஷ்டமானவைகளாகும். இந்த தேதிகளில் வசீகர விருத்தியும் சந்தோஷமும் தரும் சம்பவங்கள் நிகழும் என்பதால் இந்த தேதிகளில் எல்லா காரியங்களையும் செய்தால் நன்மை அதிகம் ஏற்படும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் ஒன்றுக்குரிய திசை- கிழக்கு. கிழமை- ஞாயிறு, திங்கள்
அதிர்ஷ்ட நவரத்தினம்-
மாணிக்கம். இது நான்கு வகைப்படும்.1.பத்மராஜம்- தாமரைநிறம், 2.குருவிந்தம்- நல்ல சிவப்புநிறம், 3.சௌகாந்தம்- மஞ்சள் கலந்த சிவப்பு, 4. நீலகாந்தி- நீலவான நிறம். பதவிகள் உயரும். மனவலிமை அற்றவர்கள் மனோவலிமை அடைவர். எதை வேண்டுமானாலும் உபயோகிக்கலாம்.
உடல் பாதிப்பு வயது-
9, 18, 27, 35, 45, 54, 63, 72, 81 உடலில் பாதிப்புக்கள் வரும்.
உடலுக்குகந்த பொருள்கள்-
மஞ்சள், கிராம்பு, ஆரஞ்சு, எலுமிச்சை, பேரிச்சம்பழம், இஞ்சி, பார்லி, தேன் முதலியன. தினசரி தேன் அருந்துவது ஆரோக்கியத்திற்கு நன்று.
குடியிருக்க வீட்டின் எண்-
கூட்டினால் ஒன்றுவரும் எல்லா வீட்டு எண்ணும் அதிர்ஷ்டமானவீடே. 1, 10, 19, 28, 37, 46, 55, 64, 73, 82, 91, 100 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஒன்று (சூரியன்)
எண் இரண்டு (சந்திரன்)
Written by குருஸ்ரீ பகோரா2.எண் இரண்டு (சந்திரன்)
பிறவிஎண்-2
ஜூலை 15 முதல் ஆகஸ்ட் 14 வரை எந்த தேதிக்குள்ளும், எந்த வருடம் எந்த மாதம் 2, 11, 20, 29 ஆகிய தேதியில் பிறந்திருந்தாலும் பிறவி எண்-2
எண்ணின் அதிபதி-
சந்திரபகவான்
அதிர்ஷ்ட நாட்கள்-
2, 11, 20, 29
அதிர்ஷ்ட கிழமைகள்-
ஞாயிறு, திங்கள், வெள்ளி.
ஒற்றுமையான எண்கள் –
இரண்டு எண்ணுள்ளவர்களுக்கு 1, 4, 7 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள்–
1,4,7 வரக்கூடிய 1,4,7,10,13,16,22,25,28 நாட்கள் சிறப்பானவை.
சிறப்புபலன்-
இவர்களுக்கு 11,20,29,38,47,56,65,74,16,25,34,43,52,61,70 வயதில் அதிர்ஷ்டம்.
கூட்டு சேரஎண்-
நட்பு-1,4 பகை-இல்லை சமம்-3,6,8,9 நட்பு எண்ணை பயன்படுத்தாத நிலையில் சம எண்களை பயன்படுத்தவும்.
பொது பலன்-
இவர்கள் உணர்ச்சி வேகத்தையும், கற்பனையும், இரசனையும் உடையவர்கள். சேர்ந்து தொழில் செய்பவர்களுடன் ஒத்துப்போய் நிதானமாகச் செயல்படுவார்கள். பொது விசஷயங்களில் சாணக்கியத்துடனும் இங்கிதத்துடனும் நடந்து வெற்றி காண்பார்கள். எந்த ஒரு வேலையையும் அவசரத்தில் தொடங்கிப் பாதியில் விட்டு விடுவார்கள். எல்லோரும் இவர்களைப் பற்றி பேசியவண்ணம் இருப்பார்கள். மிகப் புகழ் பெற்றவர்களும், மிகக் கெட்டவர்களும் இவர்களே. இவர்களின் காதல் வெற்றியடையும். கீழ்படிந்து நடப்பார்கள். பொதுத் தொடர்பு அதிகம் உடையவர்கள். தன்னம்பிக்கை இல்லாதவர்கள். பிறரையும் நம்பமாட்டார்கள். தானே செய்தால்தான் திருப்தி ஏற்படும். மற்றவர்களுக்கு ஆலோசனை சொல்வர். தான் செய்யும் காரியத்திற்கு யோசித்து யோசித்து குழம்புவார்கள். தன்னைக் கண்டு பயப்படாதவர்களிடம் நயத்துடன் பழகுவார்கள். பயப்படுபவர்களை எப்போதும் விரட்டியவாறு இருப்பார்கள். சிறுவயது முதல் வியாபாரத்தில் பெரும்பாலோனோர் ஈடுபடுவர். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
அஜீரணம், வயிற்றுக் கோளாறு, மூத்திரக்காய் சம்பந்தமான நோய்கள் வரவாய்ப்புண்டு. கண்ணில் நீர் வடிந்து கண்நோய்கள் ஏற்படும்.
உடை-
பச்சை வண்ணம் மிகவும் அதிர்ஷ்டமானது. வெளிர் மஞ்சள், வெண்மை, பச்சை கலந்த வண்ணங்கள் நன்மை அளிக்கும்.
பெயர் எண் இரண்டு- பலன்கள்
இவர்கள் எந்த காரியத்தையும் யூகத்தால் அறிந்து கொள்வார்கள். பரந்த மனோபாவம் உடையவர்கள். குறுகிய சிந்தனை இல்லா தன்னலமற்றவர்கள். பிறருக்கு உதவுவதில் இடது கை செய்வது வலது கை அறியா உத்தமர். இராஜதந்திரம் மிக்கவர்கள். சிக்கல்களைத் தீர்ப்பதிலும் பகைமைகளைச் சமாதானப்படுத்துவதிலும் சிறந்தவர். சிறந்த நீதிபதிகளாய் திகழ்வர். பெரிய நிறுவனங்களை திறம்பட நிர்வகிப்பர். எந்த கரியத்தையும் உடனே ஆரம்பிக்காமல் நன்றாக யோசனைசெய்து திட்டம்போட்டு சிறப்பாக நடத்தி முடிப்பார். பிறர் கூறுவதை ஆராய்ந்த பின்னரே ஏற்றுக்கொள்வார். சிறிய கஷ்ட நஷ்டங்களைக்கூட பெரிதாக நினைத்து வருத்த மடைவார். கேளிக்கை நிகழ்வுகளை தன்னை மறந்து ரசிப்பார். திடீரென்று யோகமடைந்து பண வருமானம் அடைவர். லாட்டரி, பந்தயம் போன்றவைகளில் அடிக்கடி பரிசுகள் கிடைக்கும். இவர்கள் நல்லவர்கள் அதிர்ஷ்டசாலிகளும் ஆவர்.
மிகஅதிர்ஷ்ட நாட்கள்-.
மேலே உள்ள 2, 7, 11, 20, 25, 29 தேதிகள் மிக அதிர்ஷ்டமானவைகளாகும். அவைகள் ஞாயிறு, திங்கள், வெள்ளி கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் இரண்டிற்கு உரிய திசை- வடமேற்கு. கிழமை- ஞாயிறு, திங்கள், வெள்ளி
அதிர்ஷ்ட நவரத்தினம்-
முத்து- நல்முத்துக்கள் ஒளிதாக்கி மின்னும். ஊடுறுவாது. பால் அல்லது மங்கிய நிறம்.உடல் ஆரோக்கியமாய் இருக்கும். முகம் வசீகரம் ஏற்படும். திருமணம் கைகூடும். தூய்மையான உள்ளத்தையும் பணிவையும் ஏற்படுத்தும். கணவன், மனைவி நெருக்கம் அதிகமாகும்.
உடல் பாதிப்பு வயது-
11, 20, 29, 37, 46, 55, 64, 73, 82 உடலில் பாதிப்புக்கள் வரும்.
உடலுக்குகந்த பொருள்கள்-
முட்டைக்கோஸ், கீரைவகைகள், வெள்ளரிப் பிஞ்சு, முலாம்பழம் ஆகியனவற்றை முடிந்தளவிற்கு தினசரி உணவில் சேர்க்கவும்.
குடியிருக்க வீட்டின் எண்-
கூட்டினால் இரண்டு வரும் எல்லா வீட்டு எண்ணும் அதிர்ஷ்டமானவீடே. 11, 20, 29, 38, 47, 56, 65, 74, 83, 92, 101 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் மூன்று (குரு)
Written by குருஸ்ரீ பகோரா3.எண் மூன்று (குரு)
பிறவிஎண்-3
டிசம்பர்15முதல் ஜனவரி 14 வரை எந்த தேதிக்குள்ளும், எந்த வருடம் எந்த மாதம் 3, 12, 21, 30 ஆகிய தேதியில் பிறந்திருந்தாலும் பிறவி எண்-3
எண்ணின் அதிபதி-
குருபகவான்
அதிர்ஷ்ட நாட்கள்-
3, 12, 21, 30
அதிர்ஷ்ட கிழமைகள்-
வியாழன், வெள்ளி, செவ்வாய்
ஒற்றுமையான எண்கள் –
மூன்று எண்ணுள்ளவர்களுக்கு 6, 9 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள் –
6, 9 வரக்கூடிய 6, 9, 15, 18, 24, 27 நாட்கள் சிறப்பானவை.
சிறப்பு பலன்-
20 வயதில் மகிழ்வான நிகழ்வுகள் நடக்கும். 30 லிருந்து 39 வரை வாழ்க்கை சிறப்படையும் நல்ல வருடங்களாக அமையும்.
கூட்டு சேரஎண்-
நட்பு-1,2,4,7,9 பகை-5,6 சமம்-8 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொதுபலன்-
குருபகவான் அன்பிற்கும் ஆதரவுற்கும் எடுத்துக்காட்டாக விளங்குபவராதலால் மக்கள்தொடர்பு, குடும்பமாட்சி, சமூக உறவு ஆகியவற்றில் சிறந்து விளங்குவர். பாராட்டுதல்களைப் பெறும் காந்தசக்தி இவர்களுக்கு உண்டு. உழைப்பையும் ஊக்கத்தையும் அளித்து பரோபகார சிந்தையுடன், தேசபக்தி உடையவராக இருப்பார்கள். துன்பங்களையும் துயரங்களையும் விரைவில் மறந்து விடுவார்கள். தாக்குதல்களை மனோ வலிமையுடன் எதிர்த்து நிற்பார்கள், சபலங்கள் ஏற்பட்டாலும் தவறான வழிக்குச் செல்லமாட்டார்கள். பேச்சினால் மற்றவர்களை மயக்கிவிடுவர். இவர்களுடன் பழகியவர்களுக்கு இவர்களைப் பிரிய மனம் வராது. காதலில் வெற்றி தோல்வி கலந்துவரும். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
ஆரோக்யம் குறைந்தால் தோல் நோய்கள் ஏற்படும். கீழ்வாதமும் வரலாம்.
உடை-
கத்திரிப்பூ வண்ணமும், மஞ்சள், சிவப்பு, நீலம் கலந்த வண்ணங்கள் சிறப்பானவை. ஆரஞ்சு, ரோஸ் வண்னங்கள் நன்மை தரும்.
பெயர் எண் மூன்று- பலன்கள்
இவர்கள் மண்ணாசை பொன்னாசை பெண்ணாசை மிக்கவர்கள். மற்றவரை மயக்குவதில் திறமைசாலியானவர். கவர்ச்சியான தோற்றம், கலகலப்பான சுபாவம் ஆகியவற்றால் நிறைய நண்பர்கள் கிடைப்பார்கள். கல்நெஞ்சக்காரனும் இவரின் பேச்சை கேட்டு உருகுவான். கலாரசனை மிக்கவர்கள். சிந்தனையாளர், சிறந்த எழுத்துலகச் சிற்பி. சமூகசேவை என்பது இவர் மூச்சு. உடல் உழைப்பின்றி முன்னேற்றம் காண்பர். நேர்மையும் ஒழுக்கத்தையும் இவர்கள் கடைபிடிக்கவில்லை எனில் மிகவும் துன்பத்திற்குள்ளாவார்கள். எவ்வளவு வருமானம் கிடைத்தாலும் மேலும் மேலும் வருமாணம் கிடைக்கவேண்டும் என்ற எண்ணம் கொண்டவர்கள். எந்த விஷயத்திலும் விட்டுக் கொடுக்கமாட்டார்கள். மனசாட்சிப்படி நடப்பர். யார் செய்யினும் குற்றம் குற்றமே என்பார். பலர் இவர்களை கெட்டவர் என்பர். நல்ல அதிர்ஷ்டசாலி பணவசதியுடன் வாழ்வார்.
மிகஅதிர்ஷ்ட நாட்கள்-.
மேலே உள்ள 3, 9, 12, 18, 21, 27, 30 தேதிகள் மிக அதிர்ஷ்டமானவைகளாகும். விவாகம் தொழில் ஆகிய காரியங்களைத் தொடங்கும்போது அந்த தேதி, மாதம் வருடம் ஆகிய மூன்றையும் கூட்டினால் 3,9 வந்தால் அந்த தினம் மிகச் சிறப்பானது. அவைகள் வியாழன், வெள்ளி, செவ்வாய் கிழமைகளில் வந்தால் மிக்க அதிர்ஷ்ட நாட்களாகும்
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் மூன்றிற்கு உரிய திசை- வடகிழக்கு. கிழமை- வியாழன், வெள்ளி, செவ்வாய்
அதிர்ஷ்ட நவரத்தினம்-
புஷ்பராகம்-பல நிறங்களில் பிரகாசிக்கும். வெள்ளையாக இருக்கும். ஒளி ஊடுருவிச் செல்லக்கூடியதாக சிறிது மஞ்சள் கலந்து இருக்கும். சற்று கடினமானது. அணிந்தால் சத்ருக்களை வெல்வர். கோபதாங்கள் குறையும். சந்தான பாக்யம் ஏற்படும்.பதவி உயரும். விபத்துக்களிருந்து பாதுகாப்பு கிடைக்கும். தாம்பத்திய உறவில் மகிழ்ச்சி.
உடல் பாதிப்பு வயது-
நரம்பு பாதிப்புகள் வரும். 18, 37, 45, 59 வயதில் உடலில் கீழ்வாயு பாதிப்புக்கள் வரும்.
உடலுக்குகந்த பொருள்கள்-
கிராம்பு, இலவங்கப்பட்டை, குங்குமப்பூ, ஜாதிக்காய், ஆப்பிள், நெல்லி, அண்ணாசி, கோதுமை ஆகியனவற்றை முடிந்தளவிற்கு தினசரி உணவில் சேர்க்கவும்.
குடியிருக்க வீட்டின் எண்-
கூட்டினால் மூன்று வரும் எல்லா வீட்டு எண்ணும் அதிர்ஷ்டமானவீடே. 3, 12, 15, 18, 21, 30, 39, 75, 84, 93, 102 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் நான்கு (இராகு,சுக்கிரன்)
Written by குருஸ்ரீ பகோரா4.எண் நான்கு (இராகு,சுக்கிரன்)
பிறவிஎண்-4
பிப்ரவரி 15 முதல் மார்ச் 14 வரை எந்த தேதிக்குள்ளும், எந்த வருடம் எந்த மாதம் 4, 13, 22, 31 ஆகிய தேதியில் பிறந்திருந்தாலும் பிறவி எண்-4
எண்ணின் அதிபதி-
இராகுபகவான், சுக்கிரபகவான்
அதிர்ஷ்ட நாட்கள்-
1, 10, 19, 28
அதிர்ஷ்ட கிழமைகள்-
ஞாயிறு, திங்கள்
ஒற்றுமையான எண்கள் –
நான்கு எண்ணுள்ளவர்களுக்கு 1, 2, 7 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையானதேதிகள்–
1,2,7 வரக்கூடிய 1,10,19,28,2,11,20,29,7,16,25 நாட்கள் சிறப்பானவை.
சிறப்பு பலன்-
20 வயதிலிருந்து 29 வரை நண்பர்கள் உதவி. 22,24,27 வயதில் ஆதாயம் இருக்கும். 40 லிருந்து 49 வரை மகிழ்ச்சியான காலம்.40,44,47,49 வயதில் அதிர்ஷ்டம். 60 லிருந்து 69 அதிர்ஷ்டமான காலம்.
கூட்டு சேரஎண்-
நட்பு-2,3,7,9 பகை-6,8 சமம்-5 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
இரண்டு வித குணாதிசயங்கள் உண்டு. இராகுவின் தன்மையில் இயங்கும்போது எதிர்பாராத மாறுதல்களும் யாரும் கனவில் நினைக்கா சாதனைகளும் நிகழும். மன அழுத்தத்துடன் கொடூரமான செயல்களில் ஈடுபடுவர். சுக்கிரத் தன்மையில் லௌகீக சம்பந்த சுகானுபவங்கள் சிருங்கார ரசனைகள் மேலோங்கி பொருள்கள் சேரும் வாய்ப்பு. சுகத்தை நாடுபவர்கள். கலைத்துறையில் சாதனை படைப்பர். விவாதத்திற்கு அஞ்சமாட்டார்கள். பேச்சுத்திறமையால் பொருள் ஈட்டுபவாரயிருப்பர்.தெய்வபக்தி நிரம்பியவர்கள். பிறந்த குலத்தின் கட்டுபாடுகளை மதிப்பவர்கள். யாரையும் வசப்படுத்திவிடுவீர்கள். சுய கௌரவத்தைக் காப்பாற்ற பாடுபடுவீர்கள். மான மரியாதையைப் போற்றுபவர். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
நாற்பது வயதுக்குமேல் சோகை, பசியின்மை, குடல், பின்தலையில் ஒருவிதவலி அல்லது பித்த சம்பந்தமான நோய்கள் தோன்றும்
உடை-
வெளிர் நீலம், நீலக்கோடுகள் போட்ட பகட்டில்லாத ஆடைகள் சிறந்தவை.
பெயர் எண் நான்கு- பலன்கள்
இவர் சற்று நேரம் சோம்பி இருக்கமாட்டார். தொழில் செய்வதில் விருப்பம் உடையவர். சமூக சேவை செய்யும் செய்தால் புகழ் கிடைக்கும். நம்பிக்கையும் நாணயமும் உடையவர். கைத்தொழில் நிர்மாண வல்லுநராக இருப்பார். சிறந்த கட்டிடங்கள் கட்டுபவராகவும், பொறியியல் அறிஞர்களாகவும், நகர அமைப்பாளர்களாகவும் இருப்பர். தான் சொல்வதை பிறர் கேட்கவேண்டும் என்ற கொள்கை உடையவர். அப்படி அவர்கள் கேட்டால் மிக்க மகிழ்வடைவார்கள். மென்மையான மனம் கொண்டவர்கள். மனம் நோகும்படி பேசினால் அதையே நினைத்து நினைத்து வருந்துவார். காரிய தோல்வியும் இவரை வருத்தும். நடக்க முடிந்தவைகளையே செய்ய முடிந்தவைகளையே செய்வார். கற்பனை செய்யமாட்டார். தாய்நாடு, குடும்பம், உற்றார் உறவினர் அனைவரையும் நேசிப்பார். அதிர்ஷ்டசாலி. சீரான முன்னேற்றம் அடைவார், பொறுப்புகளை கடமை உணர்ச்சியுடன் செய்வார். அதில் மகிழ்வு காண்பார். 40 வயதிற்குமேல் நன்மையான மாற்றம் ஏற்படும்.
மிகஅதிர்ஷ்ட நாட்கள்-
மேலே உள்ள 1,10,19,28 தேதிகள் மிக அதிர்ஷ்டமானவைகளாகும். அவைகள் ஞாயிறு, திங்கள் சனிக் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் நான்கிற்கு உரிய திசை- தென்மேற்கு. கிழமை- திங்கள், சனி, ஞாயிறு
அதிர்ஷ்ட நவரத்தினம்-
கோமேதகம்- பழுப்பு கலந்த சிவந்த நிறத்துடனும், மஞ்சள் பொன்னிறத்துடனும் ஒளி ஊடுருவிச் செல்லக்கூடியதாக இருக்கும். பிரகாசமான ஒளியுடையது. அணிந்தால் மனமகிழ்ச்சியும், அதிர்ஷ்டத்தையும் அளிக்கும். வருமானம் பெருகும். கணவன் மனைவி உறவு மேம்படும். நோய்களுக்கு பாதுகாப்பாகும்.
உடல் பாதிப்பு வயது-
தலைசம்பந்தமான மூளை. கண், காது, மூக்கு, தொண்டை, வாய், நாக்கு, பல் சம்பந்தமான நோய்கள் வரும். இரத்தசோகை வரும்.
உடலுக்குகந்த பொருள்கள்-
சாரைப்பருப்பு, வாழைக்காய், மாதுளம்பழம், எலுமிச்சை, கல்யாணப் பூசணிக்காய், நாரத்தம் பழம், வாழைப்பழம், முருங்கைக்கீரை, அரைக்கீரை, சிறுகீரை ஆகியனவற்றை முடிந்தளவிற்கு தினசரி உணவில் குறிப்பாக ஜனவரி, பிப்ரவரி, ஜூலை, ஆகஸ்ட், செப்டம்பர் மாதங்களில் அதிகமாகவும் சேர்க்கவும். உப்பு குறைக்கவும். ஊறுகாய் தவிர்த்தல் நன்று
குடியிருக்க வீட்டின் எண்-
கூட்டினால் ஒன்று வரும் எல்லா வீட்டு எண்ணும் அதிர்ஷ்டமானவீடே. 1, 10, 19, 28, 37, 46, 55, 64, 73, 82, 91, 100 ஆக இருக்கலாம்.
துரதிர்ஷ்டம்
பிறவிஎண் அல்லது பெயர் எண் 4 உள்ளவர்கள் அதிக துன்பங்கள் அடைவார்கள் என்பது பொது விதி. எண் 4 உள்ளவர்களின் மனைவி, வீடு, அலுவலக தொழிற்சாலை, தொலைபேசி, முக்கிய நிகழ்வுகள் எண் 8 ஆக இருத்தல் நன்றன்று. எனவே அதைப் பார்த்துக்கொள்ளவும். மேலும் 4 எண்காரர்களுக்கு 2,7,9 நல்லவை அல்ல. எனவே இவர்களுக்கு 1,3,5,6 ஆகிய எண்களுடன் தொடர்பு வைத்தல் நல்லது.
பொதுவாக 4ல் பிறந்தவர் தன் பெயரை 1 க்கு மாற்றவும். பெயர் எண் 10,19,37,46, என்றிருத்தல் நன்மை அதன்பின் பிறந்ததேதி 4ஐ எதற்கும் பயன்படுத்தக்கூடாது. குடியிருக்கும்வீட்டுஎண் 1, 10, 19, 28, 37, 46, 55, 64, 73, 82, 91, 100 ஆக இருக்கவேண்டும்.
திருமணம் துரதிர்ஷ்டநாளில் நடந்தால் கணவன் மனைவி இருவரும் வாழ்நாளில் துன்ப படவேண்டியிருக்கும். குறிப்பாக 4 எண் உள்ளவர்கள் 4,8 வரும் 4,13,22,31,8,17,26 தேதிகளில் திருமணம் செய்தவர்கள் வாழ்வில் மகிச்சியே இருக்காது. இருபாலரில் ஒருவருக்கு மரண கண்டம் ஏற்படும்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஐந்து (புதன்)
Written by குருஸ்ரீ பகோரா5.எண் ஐந்து (புதன்)
பிறவிஎண்-5
ஜூன் 15 முதல் ஜூலை 14 வரையிலும், செப்டம்பர் 15 முதல் அக்டோபர் 14 வரையிலும் எந்த தேதிக்குள்ளும், எந்த வருடம் எந்த மாதம் 5, 14, 23 ஆகிய தேதியில் பிறந்திருந்தாலும் பிறவி எண்-5
எண்ணின் அதிபதி-
புதபகவான்
அதிர்ஷ்ட நாட்கள்-
5, 14, 23
அதிர்ஷ்ட கிழமைகள்-
புதன், வெள்ளி
ஒற்றுமையான எண்கள் –
ஐந்து எண்ணுள்ளவர்களுக்கு 1, 6 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள்–
1,5,6 வரக்கூடிய 1,5,6,10,14,15,23,24 நாட்கள் சிறப்பானவை.
சிறப்பு பலன்-
19,21,25,26,28,32,34,35,37,41,43,44,46,50,59,70,79 அதிர்ஷ்ட வயதாகும்.
கூட்டு சேரஎண்-
நட்பு-1,4,6 பகை-7 சமம்-3,8,9 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
இவர்கள் சிறந்த அறிவாளியாகவும், விஞ்ஞானியாகவும், ஆராய்ச்சியாளராகவும், புதியன கண்டுபிடிப்பவராகவும், பேச்சால் வாணிபம் விருத்தி செய்பவராகவும், மேடை பேச்சுகளில் வசப்படுத்துபவராகவும் விளங்குவர். எல்லோரையும் மோகிக்கச்செய்யும் சக்தியான அன்பைக் கொண்டவர்கள். எல்லோருக்கும் அறிமுகமான பிரமுகராக வாழ்வர். தங்கள் உழைப்பின்மூலமே மேன்மையடைய வேண்டும். மற்றவர்களில் உதவி கிடைப்பது அரிது. எளிதில் எதையும் கற்பர். எதிலும் புகழ் அதிகரிக்கவும் நேர்மையை நிலைநாட்டவும் பாடுபடுவர். தனிமையே இவர்கள் விருப்பமாக இருக்கும். பணம் ஓரளவுதான் தங்கும். கிடைத்த பணத்தை மனமகிழ்வுக்காக செலவழிப்பர். நாளைக்கு என சேமிப்பு இருக்காது. அதற்காக வருத்தப்படமாட்டார்கள். வாழ்க்கையில் அடிக்கடி மாற்றம் ஏற்பட்டு இன்பம் குதிரைக்கொம்பாக இருக்கும். மனம் சதா ஓர்நிலை இல்லாமல் இருப்பதால் தூக்கம் கெடும். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
நரம்பு பலவீனம், பாரிசவாயு போன்ற வாத சம்பந்தமான நோய்கள் வரும்.
உடை-
சாம்பல் நிற ஆடைகள் அதிர்ஷ்டமானது. லேசான நிற ஆடைகள் எல்லாம் அணியலாம்.
பெயர் எண் ஐந்து- பலன்கள்
இவர் தன் அறிவைக்கொண்டே சூட்சமமான முறையில் எடுக்கும் எல்லா காரியங்களையும் முடிப்பர். சுறுசுறுப்பானவர்கள். எந்த வழியிலும் பணம் சம்பாதிக்க எண்ணமுடையவர்கள். கால அட்டவனைப்படி ஒரே இடத்தில் வேலை செய்யாமல் புதுப் புது திட்டங்களில் நாட்டமாயிருப்பர். துணிவுடன் தொழில்கள் செய்வார். அதில் பாதுகாப்பும் லாபமும் கிடைக்காது. சொந்தமில்லாமல் தொழில் நிறுவனங்களில் வேலை செய்திடின் அமைதியான வாழ்க்கை கிட்டும். மற்றவர்கள் அறிவுரை பிடிக்காது. சாந்த குணம் உடையவர்கள். ஈவு இரக்கமுடையவர்கள். குடும்பத்தில் அமைதி இருக்காது. பிறர் கஷ்டப்படுவதைக் கண்டு தன்னால் முடிந்த உதவிகளைச் செய்வார். பிறர் ஏச்சுக்களை சகித்துக் கொள்வார். நல்லவர்கள். உண்மையுடன் உழைக்கக் கூடியவர்கள். பிறருக்கு தீங்கு இழைக்கமாட்டார்கள். வாழ்நாளில் லாட்டரி பந்தயம் போன்றவைகளில் பெரும் அதிர்ஷ்டம் கிடைத்து பணம் வரவுண்டு.
மிகஅதிர்ஷ்ட நாட்கள்-
மேலே உள்ள 5, 14, 23 தேதிகள் மிக அதிர்ஷ்டமானவைகளாகும். 1, 9 ம் பொருந்தும். இந்த தேதிகள் புதன் வெள்ளிக் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் ஐந்திற்கு உரிய திசை- வடக்கு. கிழமை- புதன், வெள்ளி,
அதிர்ஷ்ட நவரத்தினம்-
வைரம்-நவரத்தினங்களில் தனி மதிப்புடையது. நீரோட்டமுள்ள நல்ல வைரத்தில் ஜீவ சக்தி உண்டு. ஆயுள் விருத்தி உண்டு. சத்துருக்களை பணிய வைக்கும். வைரக்கல்லில் நீர் பட்டு உடம்பில் பட்டு வந்தால் ஆரோக்யத்துடன் இருப்பார்கள். செல்வம், செல்வாக்கு, புகழ் அனைத்தும் ஏற்படும். குடும்பத்தில் அமைதி ஏற்பட்டு மகிழ்ச்சி நிலவும். ஒத்துவராத ராசிகளும் உண்டு அவை அழிவை ஏற்படுத்தும் பார்த்து சோதித்து அணியவும்.
உடல் பாதிப்பு வயது-
நரம்பு சம்பந்தமான நோய்கள் வரும்.
உடலுக்குகந்த பொருள்கள்-
காரட், ஓட்ஸ், வால்நட், ஹேசல்நட் ஆகியனவற்றை முடிந்தளவிற்கு தினசரி சேர்க்கவும்.
குடியிருக்க வீட்டின் எண்-
கூட்டினால் ஐந்து வரும் எல்லா வீட்டு எண்ணும் அதிர்ஷ்டமானவீடே. 5,14,23,41,50,68,77,86,95,104 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஐந்து (புதன்)
எண் ஒன்பது (செவ்வாய்)6.எண் ஆறு (சுக்கிரன்)
பிறவிஎண்-6
மே 15 முதல் ஜூன் 14 வரையிலும், அக்டோபர் 15 முதல் நவம்பர் 14 வரையிலும் எந்த தேதிக்குள்ளும், எந்த வருடம் எந்த மாதம் 6, 15, 24 ஆகிய தேதியில் பிறந்திருந்தாலும் பிறவி எண்-6
எண்ணின் அதிபதி-
சுக்கிரபகவான்
அதிர்ஷ்ட நாட்கள்-
6, 15, 24
அதிர்ஷ்ட கிழமைகள்-
செவ்வாய், வியாழன், வெள்ளி
ஒற்றுமையான எண்கள் –
ஆறு எண்ணுள்ளவர்களுக்கு 3, 9 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள்–
3,6,9 வரக்கூடிய 3,6,9,12,15,18,21,24,27,30 நாட்கள் சிறப்பானவை.
சிறப்பு பலன்-
20 லிருந்து 29 வரையிலும், 40 லிருந்து 49 வரையிலும், 60 லிருந்து 69 வரையிலும் அதிர்ஷ்டமான வாய்ப்புகள் உண்டு.
கூட்டு சேரஎண்-
நட்பு-5,8 பகை-1,2,3,4,7 சமம்-3,9 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
அழகு, ஒழுங்கு, நிதானம், கலைச்சிறப்பு, சுகமான குடும்ப வாழ்க்கை, மனோ உல்லாசம் நிரம்ப பெற்றவர்கள். தீவிர சிந்தனைச் சக்தியும் உணர்ச்சி வேகத்தையும் கொண்டவர்கள். வாணிபம் மற்றும் கலை துறைகளில் மேன்மை அடைவர். சுக்கிரன் பூர்ண பலத்துடன் இருந்தால் தங்க தாம்பாளத்தில் உணவு உண்பர். மற்றவர்மீது ஆதிக்கம் செலுத்துவர். பொதுவாழ்வில் அதிகம் ஈடுபாடு கொள்வார்கள். பிறரைக் கவரும் சக்தியுடையவர்கள். பிறருக்காக போராடி அவர்களுக்கு உதவிகள் செய்வார்கள். ஆனால் மற்றவர் உதவியுடன்தான் மேன்மையடைவர். சலியாத உழைப்பினால் மக்களின் நன்மதிப்பைப் பெற்று தலைவர்களாகவும், தொழில்துறை அதிபர்களாகவும் இருக்க வாய்ப்புண்டு. வாழ்வின் தேவையான ஊண், உடை, உறக்கம் மூன்றிற்கும் பங்கம் வராது. யாராவது உதவி செய்து கொண்டிருப்பர். படிப்பதிலும் கேட்பதிலும் எல்லா சுகங்களை அனுபவிப்பதில் ஆர்வமுடையவர்கள். ஜீவ சக்தியை அதிகம் விரயம் செய்பவராக இருப்பார்கள். தெய்வசக்தி வாழ்வில் பிரகாசிக்கச்செய்யும். சிலர் உலகியல் இன்பங்களில் நாட்டம் வைப்பர். சிலர் சோதிடம், வைத்தியம், மந்திரம் மூலம் வாழ்வர். காவியம், ஓவியம், சங்கீதம், நடனம் ஆகியவைகளில் ஈடுபட்டால் மேன்மையடைவர். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
இருதயகோளறு நோய்கள், இரத்த ஓட்டக் கோளாறு நோய்கள் வரும். ஜனனேந்திரிய சம்பந்தமான நோய்களும், மலச்சிக்கலும் வரும் வாய்ப்புண்டு.
உடை-
ஆழ்ந்த பச்சை கலந்த நீலம், மற்ற நீலம் பச்சை சிவப்பு கலந்த நிறங்கள் அதிர்ஷ்டமானவை.
பெயர் எண் ஆறு- பலன்கள்
சிறந்த லட்சியவதியாவர். சாந்தமான அடங்கிப்போகும் தன்மையுடையவர். ஆசிரியராக பணியாற்றி அதிகம் உழைப்பார். மற்றவர் ஆலோசனையை நாடுவார். அன்பினை வெல்ல முடியாது என்ற கொள்கை உடையவர். அரசியலில் ஈடுபாடு உடையவர். தலைமைப் பொருப்புகள் தேடிவரும். பிறரை மகிழ்விப்பது இவருக்கு மிகவும் பிடிக்கும். நண்பர்கள் பலர் உண்டு. இவர் செயலை பிறர் புகழ்வர். பிடிவாதகுணமுள்ளவர். பிறர் போதனை பிடிக்காது. ஏற்றுக் கொண்ட காரியத்தை செவ்வனே செய்வார். சொன்ன சொல் தவறமாட்டார். நீதி தவறாது நடக்க வேண்டும் என்பதில் தீவிர நாட்டம் உடையவர். நம்பிக்கையும் நேர்மையும் உடையவர்கள். சிரிக்க சிரிக்க பேசுவதில் வல்லவர்கள். ராணுவத்தில் இருந்தால் நல்ல பதவி வகிப்பர். வியாபாரம், கைத்தொழில் நன்றாயிருக்கும். லாட்டரி சூதாட்டம் நல்ல பயன் உண்டு. காதல் விவகாரங்கள் வெற்றி தோல்வி கலந்து இருக்கும். சிற்றின்பத்தில் அளவு மீறிய விருப்பம் கொளவர்.
மிகஅதிர்ஷ்ட நாட்கள்-
மேலே உள்ள 6, 15, 24 தேதிகள் மிக அதிர்ஷ்டமானவைகளாகும். 1, 9 ம் பொருந்தும். இந்த தேதிகள் செவ்வாய், வியாழன், வெள்ளிக் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் ஆறிற்கு உரிய திசை- தென்கிழக்கு. கிழமை- செவ்வாய், வியாழன், வெள்ளி,
அதிர்ஷ்ட நவரத்தினம்-
மரகதம்- பச்சை நிறத்துடன் ஒளிவிட்டுப்பிரகாசிக்கும். அணிந்தால் வழ்வில் ஒரு குறையுமின்றி புகழும் உயர்பதவியும் அடைவர். ஆரோக்யம் கெடாது. மணவாழ்க்கை மகிழ்வுடன் இருக்கும்.
உடல் பாதிப்பு வயது-
தொண்டை மூக்கு நுரையீரல் நோய்கள் வரும். பொதுவாக நல்ல உடல் ஆரோக்கியம் இருக்கும். நல்ல உடற்பயிற்சி செய்பவர்களுக்கு மிகநல்ல ஆரோக்கியம். இரத்த ஓட்ட சம்பந்தமான நோய் வரலாம்
உடலுக்குகந்த பொருள்கள்-
பாதம் பருப்பு, பீன்ஸ், ரோஜா இதழ் ஆகியனவற்றை முடிந்தளவிற்கு தினசரி சேர்க்கவும்.
குடியிருக்க வீட்டின் எண்-
கூட்டினால் ஆறு வரும் எல்லா வீட்டு எண்ணும் அதிர்ஷ்டமானவீடே. 6,15,24,33,42,51,60,69,78,96,105 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஒன்பது (செவ்வாய்)7.எண் ஏழு (கேது, சனீஸ்வரன்)
பிறவிஎண்-7
மார்ச்15முதல் ஏப்ரல்14வரை எந்த தேதிக்குள்ளும், எந்த வருடம் எந்த மாதம் 7, 16, 25 ஆகிய தேதியில் பிறந்திருந்தாலும் பிறவி எண்-7
எண்ணின் அதிபதி-
இரண்டு அதிபதிகள், சனீஸ்வரபகவான், கேதுபகவான்.
அதிர்ஷ்ட நாட்கள்-
7, 16, 25
அதிர்ஷ்ட கிழமைகள்-
ஞாயிறு, திங்கள்
ஒற்றுமையான எண்கள் –
ஏழு எண்ணுள்ளவர்களுக்கு 1, 2, எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள்–
1,2,7 வரக்கூடிய 1,2,7,10,11,16,19,20,28,29 நாட்கள் சிறப்பானவை.
சிறப்பு பலன்-
27 லிருந்து முன்னேற்றம். 45 லிருந்து 54 வரை வெற்றிகளும் வெகுமதிகளும் ஏற்படும்.
கூட்டு சேரஎண்-
நட்பு-1,4 பகை-இல்லை சமம்-3,6,8,9 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
தெய்வீகத்தன்மையும் நேர்மையையும் அடிப்படையாக கொண்டவர்கள். மதிப்பிற்குரிய பெருமக்களாக இருப்பார்கள். கவி, சங்கீதம் பாடுதல், பிரமிக்கத்தக்க எழுதும் திறமை உடையவர்கள். ரகசிய கலைகளில் நல்ல தேர்ச்சிபெறும் வாய்ப்பைப் பெறுவர். யோகிகளாகவும், சன்னியாசிகளாகவும் ஆகும் வாய்ப்புள்ளவர்கள். பொதுஜன விரோதியாகவும் மாறவாய்ப்புண்டு. நேர்மையான எல்லா தொழிலும் இவர்களுக்கு ஏற்றது. மற்றவர்களின் உதவியில்லா சொந்த முயற்சியே இவர்களுக்கு வெற்றி தருபவை. அதிக நண்பர்கள் இருக்கமாட்டார்கள். விரோதிகளைக் கண்டு அஞ்சமாட்டார்கள். அஞ்சாமை புகழ் சேர்க்கும். உரிமைக்காக போராடுவர். வாழ்நாளில் இவர்களின் சாதனைகள் உணரப்படாமல் இறந்தபின் போற்றிப் புகழப்படுவார்கள். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
மலச்சிக்கல், வாதநோய்கள் ஏற்படும். தோல்வியாதிகளும் ஏற்படலாம்.
உடை-
வெண்மை சிறந்தது. லேசான மஞ்சள், வெளிர்பச்சை வெளிர் நீலம் நன்மைகளைத் தரும்.
பெயர் எண் ஏழு- பலன்கள்
தன் முயற்சியால் செய்யும் தோழில் சிறப்பானது. சித்திரத்தொழில் செய்வோருக்கு ஏற்றத்தாழ்வுகள் இருந்தாலும் முடிவில் வெற்றியையும் சிறப்பையும் பெறுவர். பெரிய தனவந்தர் குடும்பத்தில் பிறந்திருக்கமாட்டார். ஆரம்பமுதல் தன் சுய முயற்சியில் முன்னேறுவார். நண்பர்கள் பெற்றோர்கள் உதவி கிடைக்காது. அப்படி ஆதரவு அளிப்பவர்கள் அவர்கள் செய்யும் உதவிக்கு பலமடங்கு எதிர்பார்ப்புகள் இருக்கும். வாணிபத்தில் ஈடுபட்டால் உள்நாடு வெளிநாடு அளவில் ஏற்றுமதி இறக்குமதி தொழில் செய்வர். பிறரை வசப்படுத்துவதில் தனித்திறமை பெற்றவர். காரியங்கள் வெற்றியடைய தன் முழு பலத்தையும் உபயோகிப்பார்கள். தம்மிடையே உள்ள குறைபாடுகளை ஒப்புக்கொள்வர். ஒரு விசயம் எல்லோருக்கும் பிடித்திருந்தாலும் தன் மனத்திற்கு பிடித்திருந்தால்தான் ஒப்புக்கொள்வார். சிந்தனை சிற்பிகள். தனிமையை விரும்புவார்கள். கவலையையும் துயரத்தையும் தவிர்க்கவும். மன நிம்மதி இருந்தால்தான் வேலையில் இவர்களால் கவனம் செலுத்தமுடியும்.
மிகஅதிர்ஷ்ட நாட்கள்-
மேலே உள்ள 2, 11, 20, 29 தேதிகள் மிக அதிர்ஷ்டமானவைகளாகும். மற்ற தேதி, மாதம் வருடம் மூன்றையும் கூட்டினால் இரண்டு வரும் தினங்கள் நன்மை தரும். மேலும் 1,10,19,28 சாதகமான தேதிகள். இந்த தேதிகள் ஞாயிறு திங்கள் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் ஏழிற்கு உரிய திசை- தென்மேற்கு. கிழமை-ஞாயிறு, செவ்வாய்
அதிர்ஷ்ட நவரத்தினம்-
வைடூரியம்- கருஞ்சிவப்பு வைடூரியம் ஒளி ஊடுருவிச் செல்லக்கூடியது. பிரகாசமாகவும், கடினமாகவும், கணமாகவும் இருக்கும். அணிபவர் பரிசுத்தமாக இருக்க வேண்டும். கெட்ட காரியங்களைச் செய்யக்கூடாது. அதையும் மீறி செயல்பட்டால் கடும் நாசம் ஏற்படும். பரிசுத்தமானவர்களுக்கு எல்லா நன்மைகளையும் பெறுவர். ஆரோக்யம் பெறுவர். பணம் தட்டுப்பாடு இருக்காது. ஆயுள் நீடிக்கும். அடங்காத மனைவியும் அடங்கி நடப்பர். மகிழ்வு அடைவர்.
உடல் பாதிப்பு வயது-
தோல் சம்பந்தமான கட்டிகள், சொறி, சிரங்கு, அலர்ஜி ஆகியவை வரலாம்.
உடலுக்குகந்த பொருள்கள்-
கீரை மற்றும் பழங்கள் ஆகியனவற்றை முடிந்தளவிற்கு தினசரி சேர்க்கவும்.
குடியிருக்க வீட்டின் எண்-
கூட்டினால் இரண்டு வரும் எல்லா வீட்டு எண்ணும் அதிர்ஷ்டமானவீடே. 2,11,20,29,38,47,56,65,74,83,92,101 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஒன்பது (செவ்வாய்)8.எண் எட்டு (சனி)
பிறவிஎண்-8
ஜனவரி 15 முதல் பிப்ரவரி 14 வரை எந்த தேதிக்குள்ளும், எந்த வருடம் எந்த மாதம் 8, 17, 26 ஆகிய தேதியில் பிறந்திருந்தாலும் பிறவி எண்-8
எண்ணின் அதிபதி-
சனீஸ்வரபகவான்
அதிர்ஷ்ட நாட்கள்-
1, 10, 19, 28
அதிர்ஷ்ட கிழமைகள்-
சனிக்கிழமை
ஒற்றுமையான எண்கள் –
எட்டு எண்ணுள்ளவர்களுக்கு 1, 4, 9, எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள்–
1,4,9 வரக்கூடிய 1,4,9,10,13,18,19,27,28,31 நாட்கள் சிறப்பானவை.
சிறப்பு பலன்-
30 வயதிலிருந்து 39 வரை வாழ்க்கை முன்னேற்றமடையும். வசதி வாய்ப்புகள் பெருகும். 50 – 59 பிறர்கண்டு பெருமைப் படத்தக்கதாக அமையும். பொருளாதார வசதிகள் மேம்படும். 25,26,33,35,41,49,50,53,55,77 வயது அதிர்ஷ்டமானது.
கூட்டு சேரஎண்-
நட்பு-1,5,6 பகை-4,7,9 சமம்-3 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
மன உறுதி, நேர்மை, தர்மத்திற்காகப் போராடும் ஆற்றல், துணிவு ஆகியவற்றைப் கொண்டவர்கள். தவறான பாதையில் செல்ல மாட்டார்கள். நடுநிலையிலிருந்து தவறாதவர்கள். நன்மையை சீர்தூக்கிப் பார்க்கும் சமத்துவமான அறிவுடையவர்கள். விதிப்படி வாழ்வின் ஏற்ற தாழ்வுகளையும் கஷ்ட நஷ்டங்களையும் அனுபவிப்பார்கள். பூர்வ ஜன்ம தற்கால புண்ய பாவங்களுக்கேற்ப பலன்களை அடைவர். எந்த ஒன்றையும் ஆராயமல் செய்யமாட்டார்கள். இவர்கள் செய்யும் காரியத்தால் நல்ல பலன்களே கிட்டும். மற்றவர் மகிழ்விற்காக எதைச் செய்தாலும் இவர்களுக்கும் அதில் ஆனந்தம் கிடைக்கும். 30 வயதிற்குமேல் யோகமடைவர். ஏழையானாலும் புகழும் செல்வாக்கும் மிக்கவராக இருப்பர். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
வயிற்றுவலி ஏற்படும். தலைவலி, கிறுகிறுப்பு இரத்தத்தில் விஷச்சேர்க்கை போன்ற நோய்கள் வரும்.
உடை-
மஞ்சள் நிறம் சிறப்பானது. ஆழ்ந்த பச்சையும், நீலமும் நன்மை தரும்
பெயர் எண் எட்டு- பலன்கள்
தனிப்பட்ட வாழ்க்கை வாழக்கூடியவர். திடீர் யோகம் வரும். திடீர் துன்பமும் வரும். வெற்றிமேல் வெற்றி அல்லது தோல்விமேல் தோல்வி என இருக்கும். தேர்ந்த வியாபாரிகள். ஒன்றை நினைத்தால் அதில் வெற்றி கிட்டும்வரை ஓயமாட்டார்கள். பிடிவாத குணம் உடையவர்கள். உன்னத நிலையில் இருப்பார்கள் அல்லது அடித் தளத்திற்கு சென்று விடுவார்கள். தாழ்ந்த நிலை விரைவில் மாறிவிடும். துணிவு, சேம்பல், பரபரப்பு இல்லா உழைப்பாளிகள். யாருக்கும் அடங்கிப் போகார். சிறந்த நிர்வாகி. இவர்களை நம்பி பொறுப்பை ஒப்படைக்கலாம். தன் அறிவு திறமையை உணரமாட்டார்கள். தாழ்வு மனப்பான்மையால் சங்கடப்படுவார்கள். அது தெளிந்து உணர்ந்தால் இவரை வெல்ல முடியாது. உடல் உழைப்பு இல்லாமல் நல்ல வருமானம் இவருக்கு கிடைக்கும். இந்த எண் நல்லதல்ல என்றாலும் இவர்கள் நல்ல காரியங்களைச் செய்வர். இவர்கள் மறைவிற்குப்பின் புகழப்படுவார்கள்.
மிகஅதிர்ஷ்ட நாட்கள்-
மேலே உள்ள 1, 10, 19, 28 தேதிகள் மிக அதிர்ஷ்டமானவைகளாகும். மற்ற தேதி, மாதம் வருடம் மூன்றையும் கூட்டினால் ஒன்று வரும் தினங்கள் நன்மை தரும். இந்த தேதிகள் சனிக் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் எட்டிற்கு உரிய திசை- மேற்கு. கிழமை- சனிக்கிழமை
அதிர்ஷ்ட நவரத்தினம்-
நீலம்- வாழ்க்கையை மேம்படையச் செய்யும் அல்லது அடியோடு நாசமாக்கிவிடும். சுத்தமானதாகவும் குற்றமில்லாததாகவும் இருக்க வேண்டும். பரிசோதித்து வாங்கவும். கெட்ட கண்பார்வையிலிருந்து பாதுகாக்கப்படுவார்கள். சபைகளில் மரியாதையும் மதிப்பும் கிடைக்கும். தனலாபம் ஏற்படும். கண்டங்கள் நீங்கி தீர்க்காயுள் கிட்டும். சனித்தோஷம் நீங்கும். இது அணிந்துகொண்டு தாம்பத்திய உறவில் ஈடுபடக்கூடாது. நேர்மையான வழியில் சென்றால் உலகப் புகழ் அடையலாம்.
உடல் பாதிப்பு வயது-
தலைவலி, ரத்த சம்பந்தமான கோளாறுகள், மூட்டுப்பிடிப்பு, குடல் சம்பந்தப்பட்ட நோய்கள் வரலாம்.
உடலுக்குகந்த பொருள்கள்-
மாமிசத்தை விலக்கி காய்கறிகள் கீரைகள் ஆகியனவற்றை முடிந்தளவிற்கு அதிகமாக தினசரி சேர்க்கவும்.
குடியிருக்க வீட்டின் எண்-
கூட்டினால் ஒன்று வரும் எல்லா வீட்டு எண்ணும் அதிர்ஷ்டமானவீடே. 1, 10, 19, 28, 37, 46, 55, 64, 73, 82, 91, 100 ஆக இருக்கலாம்.
துரதிர்ஷ்டம்
பிறவிஎண் அல்லது பெயர் எண் 8 உள்ளவர்கள் அதிக துன்பங்கள் அடைவார்கள் என்பது பொது விதி. எண் 8 உள்ளவர்களின் மனைவி, வீடு, அலுவலக தொழிற்சாலை, தொலைபேசி, முக்கிய நிகழ்வுகள் எண் 4 ஆக இருத்தல் நன்றன்று. எனவே அதைப் பார்த்துக்கொள்ளவும்.
பொதுவாக 8ல் பிறந்தவர் தன் பெயரை 1 அல்லது 5 க்கு மாற்றவும். பெயர் எண் 10,19,37,46, 23,32,41 என்றிருத்தல் நன்மை அதன்பின் பிறந்ததேதி 8ஐ எதற்கும் பயன்படுத்தக்கூடாது. குடியிருக்கும் வீட்டுஎண் 1, 10, 19, 28, 37, 46, 55, 64, 73, 82, 91, 100 அல்லது 5,14,23,32,41,50,68,95,104 ஆக இருக்கவேண்டும்.
திருமணம் துரதிர்ஷ்டநாளில் நடந்தால் கணவன் மனைவி இருவரும் வாழ்நாளில் துன்ப படவேண்டியிருக்கும். குறிப்பாக 8 எண் உள்ளவர்கள் 4,8 வரும் 4,13,22,31,8,17,26 தேதிகளில் திருமணம் செய்தவர்கள் வாழ்வில் மகிச்சியே இருக்காது. இருபாலரில் ஒருவருக்கு மரண கண்டம் ஏற்படும்.
மேலும் எட்டாம் எண்ணில் மேல்தளத்தில் உள்ளோர், கீழ் தளத்தில் உள்ளோர் என இருவகையுண்டு. கீழ்தளத்தில் உள்ளோரின் வீட்டுஎண், அவரின் மணநாள், வேலைக்குச் சென்றதேதி, அவருக்கு குழந்தை பிறந்தநாள், மனைவியின் பிறந்தநாள் மற்ற முக்கிய நிகழ்ச்சிகளெல்லாம் எட்டு அல்லது நான்கு எண் தேதிகளிலேயே நடைபெறும். கீழ்தளத்திலுள்ள 8 எண்ணுடையவர்களது வாழ்க்கை அவர் விதிப்படியே செலுத்தப்படுவார்கள். மதியின் முயற்சி பலிக்காது. நாட்டின் சட்ட திட்டங்களால் பெறுதும் பாதிக்கப்படுவார்கள். வாழ்வு துக்ககரமானதாகவே இருக்கும்.
எட்டாம் எண்ணில் மேல்தளத்தில் உள்ளோர் வாழ்வின் நிகழ்வுகள் எல்லாம் 1,3,6 எண்களிலே நடக்கும். பிறந்த தேதி 26 என்றால் தனி எண் 8, அவர் வீட்டு எண் 3, மணமான தேதி 10, வேலையில் சேர்ந்த நாள்15- தனி எண் 6. 8ம் எண்ணுடையவர் என்றாலும் 4,8 ம் குறுக்கிடாமல் 1,3,6 எண்களில் நடக்கும் இவர் சனியின் மேல்தளத்தைச் சேர்ந்தவர்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஒன்பது (செவ்வாய்)9.எண் ஒன்பது (செவ்வாய்)
பிறவிஎண்-9
ஏப்ரல் 15 முதல் மே 14 வரையிலும், நவம்பர் 15 முதல் டிசம்பர் 14 வரை எந்த தேதிக்குள்ளும், எந்த வருடம் எந்த மாதம் 9, 18, 27 ஆகிய தேதியில் பிறந்திருந்தாலும் பிறவி எண்-9
எண்ணின் அதிபதி-
அங்காரபகவான்
அதிர்ஷ்ட நாட்கள்-
9, 18, 27
அதிர்ஷ்ட கிழமைகள்-
செவ்வாய்க்கிழமை அதிர்ஷ்டமானது. வியாழன், வெள்ளி நன்மை
ஒற்றுமையான எண்கள் –
ஒன்பது எண்ணுள்ளவர்களுக்கு 3, 6 எண்ணுள்ளவர்கள் ஒற்றுமையும் ஈடுபாடும் கொண்டவர்கள்.
ஒற்றுமையான தேதிகள் –
3,6,9 வரக்கூடிய 3,6,9,12,15,18,21,24,27, நாட்கள் சிறப்பானவை.
சிறப்பு பலன்-
9,18,27,36,45,54,63,72 அடுத்து 15,24,33,42,51,60,69 அடுத்து 12,21,30,39,48,57 அதிர்ஷ்டமான வயதுகள். 40 லிருந்து 49 க்குள் வாழ்வு மேன்மை அடையும்.
கூட்டு சேரஎண்-
நட்பு-1,3,4,7 பகை-2,5 சமம்-6,8 நட்பு எண்ணை பயன்படுத்தாத நிலையில் சம எண்களை பயன்படுத்தவும்
பொது பலன்-
துணிவும், வல்லமையும், உறுதியும் கொண்டவர்கள். நீதிக்காகப் போராடுபவர்கள். மன்னிக்கும் தன்மையுடையவர்கள். ராஜீய அதிபதியாகவும், பெரும் பணக்காரராகவும் விளங்க வாய்ப்புண்டு. தர்ம வழிகளில் மனத்தை செலுத்தக் கூடியவர்கள். ஆண்மை சுபாவமும் கண்டிப்பும் மிகுந்த இவர்கள் ஆரோக்கியம், சக்தி, சகிப்புத்தன்மை ஆகியவற்றின் எடுத்துக்காட்டாகத் திகழ்வார்கள். கட்டுப்பாடும் கண்ணியமும் இவர்களின் உடன் பிறப்பு. தன் வழியை விட்டுத் திரும்பினால் அழிவுசக்தியாக இருப்பர். பொது வாழ்வில் பிரகாசிப்பார்கள். எத்தொழில் செய்தாலும் வெற்றி காண்பார்கள். வாழ்வில் போராடிக்கொண்டே இருப்பார்கள். நிம்மதி இருக்காது. செய்தொழிலிலேயே கவனம் செலுத்தி அமைதி பெறுவர். எதற்கும் கலங்க மாட்டார்கள். தோல்வியை வெற்றியாக மாற்ற பாடுபடுபவர்கள். தோல்வியினால் மனச்சோர்வு அடையார். வாழ்நாளில் உடலில் வடு ஏற்படாமல் ஒருவர் இருந்தால் அது அதிசயமாகும். அடிக்கடி காயங்கள் ஏற்பட்டு இரத்தம் பார்ப்பர். தொழில் செய்பவர்கள் அந்த தொழிலின் பெயர்கள், பிறந்த தேதி எண்ணாக இருந்தால் நன்மை பயக்கும். பிறந்த எண் கலப்பெண்களிலும் வரும் அதில் நல்ல எண் பலன்களை பார்த்து தேர்வு செய்யவும்.
வியாதி-
இரத்தக்கட்டிகள், குடற்புண்கள், இரத்தம் விஷத்தன்மையடைதல், மூலம் ஆகியன வரவாய்ப்புண்டு. நெருப்புக்காயங்களும் விபத்துகளும் ஏற்படும்.
உடை-
சிகப்பு, கருஞ்சிகப்பு ஆடைகள் சிறந்தவை. நீல நிற ஆடையின் கரையிலாவது செந்நிறம் இருக்க வேண்டும்.
பெயர் எண் ஒன்பது- பலன்கள்
பலபேர்களுக்கு வழிகாட்டியாக இருப்பார்கள். சிறந்த சிந்தனையாளர்கள். விவாதத்தில் வெல்ல முடியாது. பரந்தமனப்பான்மையுடையவர். என்கடன் பணிசெய்து கிடப்பதே என்ற கொள்கை உடையவர்கள். இரக்கமனப்பான்மை கொண்டவர்கள். எளிதில் செயல்படமாட்டார். உதவி என்பது உடன் பிறந்த செயல். மற்றவர்கள் பேச்சினால் இவர்களை ஏமாற்றமுடியாது. பிடிவாதக்காரர்கள். மற்றவர்களுக்கு இடம் கொடுக்கக் கூடாது என்ற மனப்பான்மை கொண்டவர்கள். தனக்கு கீழ் படிந்தவர்களை மிகவும் விரும்புவர். தன் சொந்தங்களை நேசிக்கமாட்டார். சிறிது வெறுப்புடன் நடப்பார்கள். எந்த வியாபாரம் தொழில் சம்பந்தமான கணக்குகள் எல்லாவற்றிலும் புள்ளி விபரங்கள் தொழில் நுணுக்கங்களில் சிறந்து விளங்குவர். இவர்கள் மனதை அறியமுடியாது. மிகுந்த தந்திரசாலிகள். தம் காரியங்களில் மிகுந்த முன்னெச்சரிக்கை உடையவர்கள். மற்றவர்கள் உள்ளக்குறிப்பை நன்கு அறிபவர்களாயிருப்பார்கள். திடீர் பணக்காரராக இருப்பார்கள். எதிர்பாரா மாற்றங்கள் நடந்தபின் மனப்போக்கை மாற்றிக்கொண்டு நல்லவிதமான் வாழ்க்கை வாழ்ந்திடுவார்கள். வாழ்வின் பிற்பகுதி மனைவி மக்கள் உதவி கிட்டும். கலைத்துறையில் இருந்தால் குறுக்கு வழியில் வெற்றியடைய விரும்புவர். மற்றவர்களை நம்புவதற்கு அதிக நாட்களாகும்.
மிகஅதிர்ஷ்ட நாட்கள்-
மேலே உள்ள 9, 18, 27 தேதிகள் மிக அதிர்ஷ்டமானவைகளாகும். இந்த தேதிகள் வியாழன் வெள்ளிக் கிழமைகளில் வந்தால் மிக்க அதிர்ஷ்ட நாட்களாகும்.
அதிர்ஷ்ட கிழமை, திசைகள்-
அதிர்ஷ்ட தின நாளில் அதிர்ஷ்ட திசைகளில் சென்றாலும், காரியங்கள் தொடங்கினாலும் வெற்றி நிச்சயம். வீடு, கடை வாசல்கள் இந்த திசைகளில் இருப்பதும் நன்று. பெயர் எண் ஒன்பதிற்கு உரிய திசை- தெற்கு. கிழமை- செவ்வாய், வியாழன், வெள்ளி,
அதிர்ஷ்ட நவரத்தினம்-
பவழம்- வெண்மை கலந்த சிவப்பு நிறமே நல்ல பவழம். ஒளி ஊடுருவாது. கணமாகவும் குண்டாக சற்று நீண்டிருக்கும். எளிதில் உடைக்க முடியாது. கடன் தொல்லைகள் நீங்கும். கோபக்காரரை சாந்தமானவராக மாற்றிவிடும். முகத்தில் ஒளியையும் கவர்ச்சியையும் உண்டு பண்ணும். ஆரோக்கியம் அபிவிருத்தியடையும். போலி கல்லினால் சீரழிவு ஏற்படுமாதலால் பரிசோதித்து வாங்கவும்.
உடல் பாதிப்பு வயது-
உஷ்ணஜுரங்கள், அம்மைநோய், குடல்புண், கான்சர் ஆகிய நோய்கள் வரலாம்.
உடலுக்குகந்த பொருள்கள்-
கொழுப்பு பதார்த்தங்களைத் தவிர்க்கவும். மதுபானம் அருந்தக்கூடாது. வெண்பூண்டும் வெங்காயமும் அடிக்கடி சேர்க்கவும். புளிச்சக்கீரை நன்மை பயக்கும். முருங்கைகீரை சேர்த்துக்கொள்ளலாம். பச்சைபருப்பு, சுரக்காய், மொச்சைக்காய், வெண்டைக்காய், சீதாப்பழம், மாதுளம்பழம், நாவற்பழம், தேன், பனங்கிழங்கு, பசுவின் நெய் ஆகியனவற்றை முடிந்தளவிற்கு அதிகமாக தினசரி சேர்க்கவும்.
குடியிருக்க வீட்டின் எண்-
கூட்டினால் ஒன்பது வரும் எல்லா வீட்டு எண்ணும் அதிர்ஷ்டமானவீடே. 9,18,27,36,45,54,63,72,81,90,108 ஆக இருக்கலாம்.
அன்பு கொண்டவர்களே! எண் 1 லிருந்து 9 வரைபலன்களை அறிய உங்களுடைய சரியான எண்ணைத்தெரிந்து கொண்டு கீழ்கண்ட எண்களைத் தேர்வு செய்து பலன்களைப் பார்பீர்களாக!
எண் ஒன்பது (செவ்வாய்)
கருத்துகள் இல்லை:
கருத்துரையிடுக